لأخر العمر ◇□◇□◇□◇□◇□◇□◇□◇
معرفة الناس يا اخواننا كنوز
وماهيش بهزار .. ولا مد البوز
ناس تسند وقت الجد ..... بجد
وناس فــ الشدة ، كما الأراجوز
بتلاقي القول .... غير الأفعال
الصورة رجال ، والأصل عيال
من هزة أوام ..... فرغ الغربال
ولا باقي فرد ، ياناس ولا جوز
وتلاقي قلوب ..... دايماً سنداك
فــ الهنا والآسى ، بتقف وياك
بيصونوا العشرة .... لأخر العمر
وبوش بشوش ...... دايما تلقاك
بقلوب صافية ، عمرها ماتخون
بتقف وياك ....... لو ضد الكون
وان قال الناس ، عنك مجنون
يبقوا فــ صفك ..... تملي وراك
Zenab Seleem
ليست هناك تعليقات:
إرسال تعليق