==========ياريت اقدر اخطى -
##########################
ياريت اقدر اخطى الحدود
وانسى اخر حدود ودك
انسى الظروف واتشعبط على خدك
تلمحنى نظرة عينيكى
واعرف انه حرام
وارجع لعهدك
واشوف انى مش على قدك
تروحى بعيد
ويجينى من بعيد ضيك
اقول ما فيه فى الوجود زيك
انتى اللى باقية باشجارك وفيك
انتى كان اخرك هنا
نحلم سوا
نزرع ورود
بشوك ما ينحس
يجرى نبضك يسابق اى حس
نزرع جناين همس
ارتوى من نهر يغرقنى فى حلمك
ننتظر على اخر محطة
اواشوف لاحلامك محطة
تنتظر
والانتظار حدودك فى كل حطة
انت اللى لما سبت ايديها
الف ايد اتمد ليها
الف عين عشقت عينيها
وانا واقف ابكى عليها
وافتكر ان انت مهما طال الزمن
لنا محطة ح نعود ا ليها
=======================محمدعبدالمقصودداود
ليست هناك تعليقات:
إرسال تعليق