خدعوك ف قالوا
خليك معانا هيتغلب
وتبقى فرحان منتصر
والدنيا تاخدك تنقلب
تحزن ولازم تنقهر
خدعوك ف قالوا
ح نضيعوا و ح نلاقيك
ح نغلطوا و ح يعتذر
لما الشيطان يضحك عليك
مين إللي يكسب تفتكر
أنا ولا انت
ياللي كنت في يوم حبيب
مين إللي قرر العداوة
مش حتى سيب وانا اسيب
مين اللي حابب يبقى تار
مهما ح يكونوا الضحايا
مين إللي قام ضارب عيار
يملا ايامه غشاوة
مين إللي حابب يفترق
بود و محبة و سلام
مين إللي عايز يتحرق
عينه ماتعرفش تنام
خسرت انا مالي
وحب كان من نحيتي
وكسبت أنا حالي
ياللي مقامك جزمتي
عايز تدوسني عشان
كنت بأحبك وبأصونك
خلاص الود هان
وكرهت اشوف عيونك
و ب أفوت من جنبك
ولا حتى ب أبص لك
و حسابك من عملك
وأنا ياما قولت لك
بلاش تبقى ف عنيا
في صورة ما احبهاش
خاين و عدو ليا
قبلك لا كان ولا عاش
ضعفي كان طيبة مني
كان حنية و محبة
كان لازم تسأل عني
يكفيك شر القالبة
خدعوك فقالوا
أحمد صبري
ليست هناك تعليقات:
إرسال تعليق