شديت الرحال لحبك
شديت الرحال لحبك مش عارف طريقى منين
احاول اكون بقربك واشوف المقام بالعين
بترجى تحن عليا ولله رافع ايديي
يكونلى زادى والمية وهدايا وليا معين
بحبك اصل واتواصل تكونلى طريقي الفاصل
بين ماضى وكان وحاصل وطريق لله سليم
شديت الرحال لحبك مش عارف طريقى منين
وبحاول اكون بقربك واشوف المقام بالعين
يا نور من نور وممدود وواصل للسما وعمود
وشايل الحمول عنا وفى الجنة عايزنا نسود
يا سيد الكل والسيد ومن الله مؤايد
نصل عليك وله نعبد ركوع وسجود
يا قران فى اخلاقك ومسك وعود
انا شادد رحالى اليك ومش ناوى لماضى اعود
وطالب الوصال بشكى لرب الكون اوصلك
واملى العين بمقامك واصلى صلاة فى محرابك
وافوز بالروضة لو ساعة واكون على الباب خدامك
وشديت الرحال لحبك ومش عارف طريقى منين
احاول اكون بقربك واشوف المقام بالعين
- شديت الرحال لحبك
- بقلم محمد البلاط
ليست هناك تعليقات:
إرسال تعليق