ردا على قصيدة للشاعر/ فارس ابو تريكه
دي السذاجة(اللي عايز يمشي ماشي)
يقفل الباب من وراه
ينسى إنه تاني يرجع
أو ف يوم نشتاق هواه
فاكر إحنا وراه ح نجري
وفى حياتنا مفيش سواه؟
دي السذاجة جوه منه
هيأت له وشكله تاه!
إنه محور و إحنا مرضى
محتاجين ناخد دواه
(اللي عايز يمشي ماشي)
بكره نسمع صوت بكاه
والندم ح يجيبوا لينا
لما يطول ليل أساه
ينتظر ..للفجر ييجي
او لضوء من نور سناه
راح يقضي حياته تايه
ييجي يوم وتراب تواه
بقلم/ صفاء الخواجة 
ليست هناك تعليقات:
إرسال تعليق