مش لاقينى. كلمات عــادل داود
أنا مش لاقينى تاهت منى أيامى وسنينى تايه وبلا عنوان
كتير قوى آنينى مريض ومحتاج لحنيه وبعانى من الحرمان
مين أنا لو حد يعرفنى يقولى قالولى إنك من ضحايا الزمان
داست عليك تروس الزمن وتاهت ملامحك وف سكتك جان
مش لاقينى. ــــــــــــــــــــــــــــــــــــــــ
شايل هموم وأنا للحمول شيال وحظى مال وناسى خذلونى
بيحاكمونى على صدقى و طيبتى وفى وسط النار بيرمونى
آهى تزلزل جبل من غدرهم و ظلمهم واللى آمنتهم خانونى
صابروفاتل م الصبر حبال اللى آمنتهم و اشتريتهم باعونى
مش لاقينى ــــــــــــــــــــــــــــــــــــــــــ
مرايتى بتقول مش أنت مش دى ملامحك ده حد إنتسابلك
حد تانى عمره ألف سنه من قديم الأزمانى.قدره إنكتبلك
عايش جواك بالحزن كواك. ف الخيال ديما بيلقاك ويقابلك
حظك وقدرك كده إدعى ربك يفك كربك هو للحياة وهبلك
مش لاقينى ـــــــــــــــــــــــــــــــــــــــ
كله بينكر نى وبينكر وجودى ومن كتر سدودى إتلاشيت
وده ليه عشان صادق وطيب حنين كريم منهم إتأذيت
ف زمن الكذابين متكلمنيش عن الصدق وتقولى حبيت
الله يرحمك ياأنا البقاء لله بيقولوا إنى من فترة إتوفيت
كلماتى
عـــــــــــــــــــــــــــــادل داود...
ليست هناك تعليقات:
إرسال تعليق