======
===- كبرنا واتبدلت ملامحنا
===- كبرنا واتبدلت ملامحنا
#########################
كبرنا
واتبدلت ملامحنا
وغيرنا سكة ورا سكة
مبقتش واد انيق ولا بيقيت سَكة
ولاانتى عشتى السنديلا
و شعر بفيونكه
هربت ملامح كنت حبيتها
وسابت مشاعر كنت خبيتها
مقدرتش ع القصة اكملها
وارسم للحياه معنى والونها
ومهما راحت ملامحنا الجميلة
جمالك باقى جويا فى تسبيله
وتنهيده وحكاية كان نفسى انولها
وكلمه قلتيها فى لحظة صعيبه
كان نفسى اكملها
جمالك فى روح حلوه نبيله
بس قلبى تاه فى الدنيا البخيله
وانتى كنتى الشط واجمل خميله
ياريت فيه حرف يكتبنى
ويوصف ضعف انتابنى
كأن بعادك رياح من حلمى شديتنى
كل اما اقوم موج تانى يسحبنى
واهو عمرى عدى
من غير ما نزرع جنايننا ب لقا
من غير ما يحضنا الصباح
ولا يفرش شمسه المفرحه
واقفين ما بين الف شط
تايهين ما بين حروف الف خط
مطفى البريق جوا عينيكى
مكسورة نظره كانت تعينك
الحلم متعلق على كل الحيطان
برواز مكسر عليه كومة ضباب
رتابة الايام
بتشد مننا افراحنا اللى غاب
معدتش فيه لقا
ونسينا مواعيد مفرحه
والقلب شاخ
واللى واقف فى وش الريح انتفاخ
هوا بيحضن فى هوا
من يوم ما حبيبى على البعاد نوى
وبقين جسدين مصلوبين على هوى
======================محمدعبدالمقصودداود=====
ليست هناك تعليقات:
إرسال تعليق