والقصة واللى كان..ماجدولين ماهر

 

ماجدولين ماهر

والقصة واللى كان..

اسمع منى الحكاية

ده خيال ولا فى الروايات

واللى زمان كانوا حبايب

لا قول اخوات..

بعّدت بينهم كتير مسافات..

رغم الجوار..

قل الحوار ..

الحية سَنه سنانها..

تنهش فى ذكريات

ِِِتِعبان فى كل آوان..

لدغته بِتشيع الاموات. ..

والظلم له نهاية..

لو زادت الطعنات

بكره الزمان ينعاد..

ماهو كله فى الميزان

والدايره تدور بمعياد..

وتدوق ياخويا..

من نفس الكاسات...

القصة واللى كان..

واللى ضحى زمان..

بشهادة المكان...

اليوم ملعون...

بااسم كل اللغات

منبوذ بإدعاءات..

ويا ويلى م اللعنات

بدموع العين بتبكى..

على اللى اشترته وباع..

واللى فضلته وعليك ياما هان

زمن العجايب ده..

ياخسارة

ياخسارة العشره..

والدم اللى هان..

ياخسارة..

جه وقت السُكات..

الجفا جاب القسوة..

ياعينى على ده زمان

والقصة واللى كان..

على اللى كانوا زمان..

عشرة ..

لا قول كانوا اخوات..

ماجدولين ماهر