اكتب ياقلم
****************
اكتب ياقلم عنى
وعن ايام عشناها
اكتب بالقلم وابنى
حروف احنا بديناها
اكتب بالقلم واحلف
حروفك يوم ماجبناها
واكتب ياقلم وارسم
كلمه وياها معناها
اكتب ياقلم عنى
انا اللى من صغر سنى
عرفت أن النصيب يحكم
ولامرة القسمه اختارناها
اكتب ياقلم عنهم
واحكى ايه حصل منهم
سابونا فى الجرح وراحوا
والقلب نسيهم ياقلم
ولايوم جه سال عنهم
اكتب ياقلم عنى
بدال الحبر وبدمى
واحكى وقول مواويلك
وياما شوفت وفى ليلك
نجوم فى سمايا مطفيه
وعيون كانت مضويه
ودموع عل الخد منسيه
دفاتر ياما تكتبها
سطور وسطور بتحكى تقول
لايوم فرحت باغنيه
ولاعلم يوم فرح فيه
ماتكتب ياقلم بسنون
عذاب عشته بيملا الكون
ولاعرفت انا مين اكون
ومين عاقل ومين مجنون
واكتب ياقلم الجاف
انا عشت السنين عجاف
لاكان فرح يونسنى
ولا ضحكه ولا انصاف
واكتب ياقلم الرصاص
انا اللى حسدونى كل الناس
حسدهم ليه ع الفاضى
خساره ماكانش له اى اساس
اكتب ياقلم بالحبر
حالى عدم ولاعاد بيسر
ونفسى ابوح واقول السر
وتعز عليه يوم نفسى
وتقولى اياكى يوم تقسى
حكايه ونفسى ارويها
ويكون لك انت دور فيها
وتكتب كل احساسى
ده متسطر فى كراسى
وبالحرف وبالكلمه
لاهيصه فيه ولالمه
كتبت كل احزانى
وحيده ماليش حبيب جانى
ولاطبطب وواسانى
ولاقالى كلام يشفى
ولاخد منى وادانى
كتبت وقولت انا راجع
فى حب كبير ومش طامع
فى كام كلمه وحدوته
وتقولى كلام وانا سامع
ياريت تقول بحنيه
وانا اخدك حبيبه ليه
وبحلفلك وبالنيه
ماتنسانى ولاتبعد
وانا اقرب ومش هابعد
واكتب عنا احلامنا
تحققها حتى فى كلامنا
ودى مسيرنا نحققها
وترجع تانى ايامنا
من اول سطر وتسجل
انا حبيبك الاول
ومن الاخر مافيش غيرى
ومن بكرة لعمنول
ولحد اخر يوم فى العمر
واتمنى عمرنا يطول
ابراهيم شيمر الجندي
ماتكتب كل افكارى
ياقلم ماانت مش دارى
ولاعارف ايه بيحصلىى
ولابايع ولاشارى
واكتب من غير ماتتكلم
الجرح فى قلبى انا معلم
عن الفرقه عن الحرمان
واكتب قلبى بيتالم
واكتب وقول حكايتنا
واوصف كمان بيبان بيتنا
وسهرة كانت تجمعنا
وابويا وامى وأخواتنا
اكتب كمان عن الحيره
وكل صغيرة وكبيره
وازاى بعدنا وفين روحنا
ولابنشوفش بعضينا
اكتب كمان عن ضحكتنا
دى كانت ماليه علينا بيتنا
وناس رايحه وناس جايه
تهنى وتبارك فرحتنا
اكتب وقول كمان طول
وهات القصه من الاول
ولاتنساش حد فينا
وقول وهات من عمنول
*************************
*راوية حسن*
ليست هناك تعليقات:
إرسال تعليق