انا شاعر ايوه بخيالي بعيش
لكن احساسي مع ناس بتعيش
برسم في الضلمه عمود النور
برسم ضليله من حر الشمس
تلاقني في زحمه في طابور العيش
واغاني الليل سيد درويش
وبزوق بكره بكلامي .....
تلاقني سلطان وبعيش
شحات مالاقيش
وان هربت كل الاشياء
بلضمها بخيط الصبر واعيش
صابر وقنوع وعشايا حبة قراقيش
ما انا اصلي كمان زاهد فيها
وعامل درويش
مولانا العاشق للشعر يعيش
مع فرح الناس كتير بعيش
وفي حزن الناس جوها بعيش
كل الأدوار بتعدي عليا
والنور كدا يلمع في عنيا
والدور يلبسني ولا جنيه
بتحول والله كدا في ثانيه
من فرحي لوجعي لاايامي
واشوش ضي الصبح بأحلامي
وكتير بعدي اليوم وفي جيبي مافيش
لو يوم اوراقي تتوه مني
والحبر كمان خاني وسبني
بلبس دور.. ..طفل يعط
يفرح بعيديه يوم العيد
بكتب علي ورق الورد احساس
ملعون الدنيا من غير إحساس
وازي تتعاش
بقلمي شيرين ابوعميرة
ليست هناك تعليقات:
إرسال تعليق