شايفك بتحسب
في اللي باقي
من معاش الشهر ده
سامعك بتدعي للي
قاعد في مقام السيده
عارفك بتسأل ليه
إشمعنا ده مش زي ده
وده. كده. وده. كده
شايفك معدي بتجري
علشان الطبور
شايفك بتكنس بدري
علشان المرور
شايفك بترمي
شنطه من فوق أعلى سور
وداخل تجري علشان الحضور
شايفك وضهرك محني
من فتحه ف جدار
رايح تجيب الفول والعيش للفطار
شايفك
على باب المطار سمسار
ورى الحراس بتفرز ناس
ده ابن خالتي مجاش
وده ابن ست الدار
شايفك في زفه بتغني
حالف م عارف سني
لحن الوفا غنيته من همي
سامعك يا حاجه بتتمني
إنك تشوفي ك إني
داخل عليكي بحضني
وقبل يوم الخرجه بتحني
لابسه العبايه والطرحه بني
سايبه الغسيل منشور
في الضلمه مش ف النور
قلبك عليه محصور
شايفك بنات حلوين
رسمين على الفساتين
حب الوطن والدين
شايفك في مدرستك
كاتبه في كراستك
شرف الوطن رايتك
شايفك
طالع ومن بدري
تدعي يارب أجري
وذليل تقوم. الليل
طاعه وصلاة فجري
خوفك شرف أختك
والشنطه فى ضهرك
شايفك واقول بختك
ولا غيري حد شايفك
ولا حتى مين عارفك
ولا إللي في شفايفك
قدامك إو خلفك
إلآ السميع سامعك
شايفك نازل دمعك
بتناجي بيه ربك
شايفك بتحسب ف إللي باقي
من معاشك
شايفك بتكتب ف إللي عايش
مين في ناسك
شايفك بتهرش شعر أبيض
وسط راسك
شايفك بيدهس فوق جبين
الخوف مداسك
شايفك و بتشاور يمين
وبتطمن في ناسك
شايفك
مع تحياتي الحاج هلال
ليست هناك تعليقات:
إرسال تعليق