يا نقطة ضعف واجعه القلب من جوه
بقيت سهران وواخد مني راحة بالي بالقوة
واجعني فراق
واجعني حنين
وبين لاتنين
لا أنا هيَّ ولا هوَّ بقى هوَّ
طاب اشكي لمين
وقلبي حزين
ومش لاقي اللي كان روحه
وعاش جواه ليالي عدوا عنده سنين
انا مجروح وقال جارح
انا مدبوح بسهم فراق
لكن مشتاق
لصوت ضحكه
لضوء صوره..
تنور ليا أجمل درب
لكلمة مجاملة لو بالكدب
يكلمني يقول بيحب
وعيني والدموع شاهدين
حياتي وعمري كان ل هواه
وعمري ما قولت محتاجه
لحاجه غير لحضن معاه
حياه لقلبي اللي عاش
مكسور..
وبكره أكيد هييجي الدور
ورا قلبي تلف تدور
واحلف اني ما ارجعلك
تشوف مني اسي ونكران
تشوف انسانه قوتها في كل مكان
ولا هسلم ولا اتكلم
ومن بعدي تكون ندمان
سناء البنا
ليست هناك تعليقات:
إرسال تعليق