محاولة........ بقلم .. عزة ياقوت عبد اللطيف ..
عمري اتسرق
حبة ورق
طول ماانا عامية
الساقية دايرة
حكم القدر
منذ الصغر
رماني زماني
بألوان المأسي
حاولت أهرب
لقيتني برجع
أشيل من تاني
لا ده مكاني
ولا ده مكاني
غريب بيهرب
مش لاقي مهرب
طوفت البلاد
مفيش أمان
مفيش إنسان
كله بيهاتي
كلام على الفاضي
سجان ورا سجان
سطوري واضحة
من غير بيان
نزيف بيسرح
والأرض تشرب
وعايزة كمان
معتش عندي
كله راح مني
في الزحمة
ضاعت الرحمة
حكايتي كلها حكايات
سبتني شوية فتات
محدش فهمني
الكل عدى
جنب مني
زجاج مكسور
والساقية بدور .
ليست هناك تعليقات:
إرسال تعليق