ياحزينه
وشايله النيله
وتبكي ليه بالدموع
اللي زيك لازم تفرح
وتقيد كمان الشموع
سابك ياحلوه
وراح لغيرك
في داهيه هوا وابوه
دا حتي اهلك كلهم
ما كانوش بيحبوه
وبكره يجيلك
سيد سيد ابوه
المكعبر المبعجر
دا نسخه تانيه من ابوه
يابنت ابوكي
واخت اخوكي
اوعي قلبك يتوجع
وقومي ياله
و فرفشي وبلاش دلع
ياللي الورد
بين خدودك ينكسف
واهو انكشف
وبانت رخامته وخيانته
وانتي عارفه انه خاين
ومن زمان
يبقي ان الأوان
صفحه ونقطعها من الكتاب
اللي في جمالك
ينكفي علي شانها
ابن السلطان
ياللي قلبك مليان
حب وحنان
فوقي لنفسك واعقلي
وبلاش جنان
احمد محمود
ليست هناك تعليقات:
إرسال تعليق