طرب زمان (عامية)
قالت الست زمان
أحلى و أرق كلام
كلام بيخاطب الروح
و يلامس الوجدان
يا سلام ع الطرب
و الحلاوه و الأدب
صوت شجي رنان
مليان حب و حنان
تسمعه تطير طيران
كلام شعرا كبار
شوقي و حافظ و رامي
و ناجي و أبو فراس كمآن
مش أصوات تسمعها
يجيلك على طول غثيان
نهيق حمار و فحيح ثعبان
و أسماء تجيب العار
معظمها أدوات نجار
شاكوش و مفك و منشار
حاجه بقت مرار في مرار
كمان فرعون و سوسته
وواحد منفوخ سكران
وواحد عاوزين يحموه
مش راضي عشان جربان
يا ريت يا ولادنا
تنظفوا العين و الآذان
ونسمع الطرب الأصيل
سواء دلوقت أو زمان
بقلم // أسامة الحكيم - مصر
ليست هناك تعليقات:
إرسال تعليق