( أحلفك يآ ليل)
أحلفك يآ ليل وأتوسل اليك
ترحم قلبي وده عشمي فيك تقول لحبيبي يبعتلي طيفه
وحشني كتير ونفسي اشوفه
وخُد معاك قلبي أماره
وقوله الليل كله سهاره
وآاه لو دموعي ياليل بتتكلم
گانت قالتله قد ايه بنتألم
وگانت قالتله گلآم كتير
عن ظلمه لقلبي وهو له أسير
من أول نظره حبه ملكني
والشوق فضحني لما هجرني
وحنيني اليه دايماً مسهرني
عذبني وطالت عليا الليالي
وقلبه ما بيتألم ليه علشاني
ده اليوم في بُعده بيفوت سنين
أمانه ياليل تقوله كفايه أنين
خليه يرحمني أنا قلبي عليل
وآه يآليل لو حس بيآ
وشاف الدموع بحور ف عنيآ
كان جاني وطبطب اليوم عليا
الدنيا في بُعده.الحب فيها غايب
لآ فيها اصحاب ولآ فيها حبايب
شوف العُزال بيقولوا إيه
بيلموا فيا مش عارف ليه
إمته ياحبيبي تحن ليا
وتنور حياتي وتتهني بيا
وقلبي يرتاح من وجع السنين
يآ أهل الهوي إسألوا وقولولي
وانتوا ياعاشقين اوعوا تلوموني
وإسألوا عن حبيبي يمكن تقابلوه
وعن شوقي وهوايا ياريت تكلموه
وعن حبي ليه إبقوا طمنوه
وعن حبه ليآ ياريت تسألوه
وقولولوا كل ليله يقرآ مراسيلي
واسألوه لسه فاكرني ولا ناسيني
ولو شوفتوا الدموع ف عنيه إوعوا تفكروا
ولو حكي عني وبكي إوعوا تستغربوا
ده الحب سلطان علي القلوب
يدوبنا ويعذبنا وعنه مانقدر نتوب
خواطر( أشرف الدغيدي)
ليست هناك تعليقات:
إرسال تعليق