ناس قشره
♧♤♧♤♧
عدينا كل الأزمات
وقولنا إللي جي أكيد أحسن
أترينا كنا في الأوهام
وبنغرق لتحت بنغرق
...
أتاري الدنيا مش سهله
والناس بقت كمان وحشه
إللي تخلص له بجد
تلاقيه فيك عمال يدبح
...
تعبت م الدنيا وم الناس
وقررت خلاص أبعد
الوحده يمكن فيها أمان
البشر ليه كده بيكدب
...
عمرى ما زعلت حد مني
و إللي يقول غير كده يواجهني
بحب الخير لكل الناس
بس للأسف البشر قهرني
...
عملت الخير و رميته البحر
أبلوني هم ب 100 بجرح
و رغم كده مسامحهم
بس ياريت يبعدوا عني
...
غريبه الدنيا دى غريبه
والبشر فيها والله عجيبه
الطيبه معاهم مش نافعه
ناس قشره وذهب عيره
...
في ناس واقفه لك ع تاكه
قلوبها ياخلق مش سلكه
بحاول أبعد ياناس عنهم
تعبت بقي م الناس الفكه ....
محمد عامر 
ليست هناك تعليقات:
إرسال تعليق