...( هِيّ ليله ) ....
،،،،،،،،،،،،،،:::::::،،،،،،،، عوني هشام
====================
ياليلة وحدتى وحدى
باعمالي وكشف حساب
عن الماضي لكن بكرا
غيوم فى القبر سوده هباب
مين وداني ودعالي
ومين قام بسد الباب
ونيسي كلمه من آيه
وكام سورة ف اعز كتاب
ولادى راحوا وسابوني
واهلي برضه نسيوني
انا فى القبر وظنوني
اكون فايز يا إما كل عملي خاب
عشت الدنيا بدراعى
وانا غافل ومش واعي
بداعى او بدون داعي
وكنت ابرر الاسباب
هوايا كله راح للدود
واملى فى الخالق موجود
فى الدنيا ماعدش وجود
غير كلمه فى سطر كتاب
ياناس الدنيا غراكم وتغواكم
تعيشها وبرضه تنساكم
ماسكها وهِيّ سيباكم
وآخرتها فى قبر بباب
باب مقفول عليك وحدك
مع كفنك فى طول لحدك
فين راح اللي يوم مدحك
وفرشك م الحرير لتراب
رساله لناسي فى الدنيا
ليه ناسي الحياه التانيه
هنا حسابك وبالثانيه
هنا العدل اللي عمره ما غاب
وأهي ليله ......
ياجنه يا إ ما نار وعذاب
==========
..................... عوني هشام
اللهم احسن لقانا بك
واقبلنا وانت راض عنا
...... ياااااااارب .......
ليست هناك تعليقات:
إرسال تعليق