عيون بهية .. بقلم .. فيفي الجندي

عيون بهية
ببصلها بدوب من نظرة
وبحسن الجمال في عنية
بعيش لحظات منسية
انا مولودة في حجرها
يامحلي جدايل شعرها
وبشرتها لون شمسها
بحب سنابل قمحها
بحب نيلها وضلها
بحب سماها وارضها
انا من ترابها ووردها
انا الشاعر اللي كتبلها
ودون لحظات صبرها
انا الرسام والفنان
واللي غني اغاني عشقها
يامحلاكي يابهية
والحنة في اديكي واديا
ياضمه قلبي في احضانك
وراسمه صورتي قدامك
بحبك وفداكي عيوني
ياروح عايشه في وجداني
بحبك وانتي عرفاني
واصلي من نبع حنانك
بحبك حب ماوصفهوش
وان سألوني عنك
اقول بحبك م الاول
قبل ماشوف نور افراحك
واحب اتغزل في صباحك
علشانك اقدم ورداتي
وصونك ياحببتي ودعيلك
ربنا يحمي ولادك ويحميكي
يامصر بروحي افديكي