..أنا .. ! الشاعر .. .. سيد النحاس

..انا ..
. صحيح فنان
ولكن لسه بتكلم بنص لسان
صغير لسه فى الحرفه
وجنب اهلها غلبان
بدور لسه ع الوصفه
وكل الناس اهى عارفه
بأن الشاعر الغلبان
بيكتب كان ..بقالو زمان
وسنه كان مع الفتيان
كلام شاعر وله خبره
معانى له.. وله عبره
كلام فى الحب
وانا خايف لرجلى تطب
فى الحفره
وأخاف بكره
لينسانى اصير ذكره
وادق الباب على الأحباب
اناجيهم ..
بروح الود اقول غنوه والاغيهم
وأقول الشعر انا فيهم
واغنيلهم واسليهم
وليهم منى احلى كلام
يعيش ليهم مع الأيام
وهيدوم ١٠٠ سنه قدام
بدون عفاريت و لا خدام
وبهديلك يا عم امام
تحيه معاها الف سلام
الشاعر .. سيد النحاس