( جمالك حسن ربانى..ّ....إلى إمى ) شعر/..د.مختار أحمد هلال

( جمالك حسن ربانى..ّ....إلى إمى ) شعر/..د.مختار أحمد هلال
حبيبة قلبى وعنيّه. يا أغلى عندى م الدنيا
يا ملكانى وحسانى. يا ساكنه جوّه وجدانى
جمالك حسن ربّانى ورحمه وطُهر إنسانى
أنا من بعد أحضانك. ماليش غيرك حبيب تانى

أدارى عنها أحزانى. بيكشف قلبها سرّى
ألاقيها بتقرانى. ومن جوايا متعرّى
ألاقيها فى أنفاسى. وعايشه كلّ إحساسى.
أحسّ بنفسى فى ثانيه رجعت لحبلها السُّرّى
أحس بنبضها فيه. ومش فاكر سنين عمرى
تهبّ النسمه من بحرك ..على شطّى مندّيه
يدفّينى شعاع شمسك. يصحّى الفرح ف عنيه
ومن نبع الحنان أشرب. دا نبعك كله حنّيه
أضمّك ليه يا أمّى. أبوس إيدك وأعتابك
وقلبى للجلال يُسجد. ويتعبّد فى محرابك
وبنسى أسوة الدنيا. وأحزانى على بابك
ألف ألف وارجعلك على عهدك بلا قيكى
بنار اللهفه منتظره. وشوق الدنيا فى عنيكى
فى أحضانك تضمّينى. أحسّ أحسّ بالراحه
ألاقى نفسى فى واحه. وجنة حُبّ طرّاحه
ومتعطّر بأنفاسها. وريحة ورد فوّاحه
ماليش غيرك حبيب تانى. يا مالكانى وحسانى
جمالك حسن ربانى. ورحمه وطُهر إنسانى
شعر/.دمختار أحمد هلال..