الاشتياق .. قلم .. بتول العتربي

من حبنا همس المحار
داب الهوى ووفى لنا
وما عاد ما بين الاشتياق
الحلم فاق
والصبح كان ليه النهار
والانتظار
ساعة ما ييجى الليل
أبقى وحيدة
عايشة على حس الأمل
ألقاك لو كنت بعيدة
ونعيش سوا
دنيا ماليها الزهور أكليل وغار
أحيا بحياتى الجديدة
من حبى ليك
ساعات باحس أنى أكيدة
متنسمة عطرك
وباسعد وتنسعد كل الديار
أنا كنت فاكرة انى انتهيت
وصبحت أرض انبلت
ومفيش عمار
جيت انت من آخر الزمان
وهديتنى كلمة قلتها
من سحرها
قمت اترويت
وخلاص هويت
والحسن بان
اديت لقلبى الأمان
وح أقدم أنا الاعتذار
#بتول العتربى