خلاص خلصت
خلاص خلصت يابنى أدمين
تعبنا ومابقناش قادرين
لقينا فى الزمان دا وحوش
وحبة ناس مايتأمنوش
وكل الخلق لابسه وشوش
بقينا كلنا تايهين
خلاص خلصت يابنى أدمين
زمان الكدب فيه فاضح
وحتى الصدق مش واضح
وانا تايه مابين لتنين
أصدق مين واكدب مين
خلاص خلصت يابنى أدمين
يادنيا كلها ديابة
ونفخه وزفه كدابه
خلاص هى بقة غابه
ياناس نهرب نروح على فين
خدعتينا ياكدابه
وضاع العمر فى كآابه
يازى الساقية قلابة
مادقتش فيك فرح ساعتين
خلاص خلصت يابنى ادمين
دا آه لو تبقى زى زمان
واحس بإنى فيك انسان
والاقى لنفسى أى مكان
ونرجع كلنا تايبين
خلاص خلصت يابنى أدمين
بقلم .. الشاعرة ... هيام الشهاوى
ليست هناك تعليقات:
إرسال تعليق