قولولوا يرحم حالي )
قولولوا يرحم حالي واحكولوا ع اللي جرالي
خلوه يحن عليا ويسأل عني الليالي
وقد ايه من غيره صعبه عليا
ياللي ماعندكش قلب ارحمني وحس بيا
ولاَّ الهوي لسه مازارش قلبك وبيا مش داري
وحكايتي معاك هيا بداية عذابي
نظره وصابتني وابتدي غصب عني مشواري
ياخالي البال ارحمني واسأل عني
وشوف رمشك عمل إيه فيا لما صابني
حبيتك وخبيت عنك وعن اللايمين حبي
ومن غير ماتدق الباب فتحلك الباب قلبي
نصيبي واترضيت بيه وياتري مصيري إيه
بعد ماكانت حياتي خاليه من
الأوجاع
صبحت خايف من حب جاني القاه مني ضاع
وانت يا أول حبيب آخرتها إيه وياك
هتكون حبيب ليا ولا نصيبي هيعذبني هواك
واسهر الليالي وادوق لوعة الفراق
واتألم من نار الحب وعذاب الحنين والأشواق
بعد مابقيت بالنسبالي الدنيا وحلاوتها
لو ضِعت مني هعمل إيه في اللي خدك مني ساعتها
حبيبي طمني قلبك لسه خالي
ولا مشغول بغيري وهتعذبني
واعمل إيه نصيبي خلاني من اهل الهوي غصب عني
أسهر وافكر وطعم الأنين البعد دوقني
وابات الليالي من بُعدك دموعي نار علي خدي
اللي هويته وحبيته غصب عنه ظلمني
مساكين يا أهل الهوي مساكين
ومجاريح ياللي هويتوا وحبايبكم مش حاسين
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق