بالعامية قصص قرانية
للزجال حج هلال
نستكمل رقم ٥
أيام الحج
........................
إسحاق بن إبراهيم
جاله بعد إسماعيل
وخليفة سحاق يعقوب
ويقوب إسمه إسرائيل
وابنه يوسف كان محبوب
عشرة اخوة وبنيامين
راحوا مصر وعاشوا حلوين
بعد مايوسف نشر الدين
ورفع مصر في العالمين
ونسل اخواته جيل ورى جيل
معروفين بني إسرائيل
أجداد موسى النبي وهارون
وأطول قصه في القرآن
قصة موسى بن عمران
فرعون شاف في الحلم كابوس
طفل هاييجي عليه ويدوس
وتروح هيبته ويزول ملكه
تفسير قالوا أكيد مدروس
قالوا البنت نسيبها تعيش
و الأولاد كلها هتموت
وبعد الظلم و الجبروت
قالوا كله كلام أحلام
ولازم نسيب منهم خدام
مش هانلاقي ناس تخدمنا
ولا عمال تعمل مصالحنا
من أبناء بني إسرائيل
نقتل عام وانسيبهم عام
واللي هايفضل يبقى قليل
ويجي في عام العفو هارون
وحملت تاني مرات عمران
موسى في عام قتل الولدان
أمه سمعت وحي كلام
لو مش خايفه عليه رضعيه
ولو بتخافي عليه حطيه
في صندوق في البحر ارميه
سمعوا أمر الله ورموه
فوق المية ويمشي شويه
قوم فرعون وخدمه خدوه
دخل القصر و الكل باسوه
وقال فرعون ومراته هاتوه
ٱسيه أمه وانا أبوه
وجابوا أمه واخته واخوه
يرضع من أمه ويتمتع
وكل ما يكبر يعلموه
التوحيد والخالق الله
وكبر موسى في بيت فرعون
وفكر في اللي خلق الكون
ومعاه آسيا مرات فرعون
وأخوها طيب وحنون
ماشي موسى بره في يوم
شاف مشكله مابين شخصين
بيحوش واحد مش كان قاصد
مات من وكزه من صبعين
جاله راجل بخبر عاجل
مؤمن كان بين الفراعين
وقاله سمعت ملأ فرعون
ناويين قتلك مهما يكون
وطلع موسى وهو حزين
راح على مدين قال ياكريم
و نستكمل في المره الجايه
سيدنا شعيب والد البنتين
..... ... ..... .......
ندعي الله رب العالمين
ينصر غزة و فلسطين
ونحررها و نعمرها
وتكون ويا المسلمين
...............
وللحديث بقيه
مع الزجال حج هلال
في أيام الحج
ليست هناك تعليقات:
إرسال تعليق