( إبعتوا عتابي )
لو لسه فاكرني طمنوه
ولو ناسيني ماتلوموه
وابعتوا عتابي أنا مش ناسيه
ولو واخد علي خاطره أرضيه
وأقوله غصب عني ازاي انساك
ولو غيابي كان زود أساك
أنا عمري ياحبيبي مانسيت هواك
غصب عني واحلفلك ألف يمين
وميعادي اجيلك بعد يومين
انا جاي وكفايه غربه
عذابي فيها كان كبير
ماعدي عليا لحظه من غير تفكير
الدنيا من غيرك حبيبي ماتتعاش
وحياتي في بعدك ماتسواش
سنين الغربه سرقت ايامنا
ومن غير مانحس ضاع شبابنا
مش هبعد عنك ياحبيبي تاني
ولا هحرم عيوني منك ثواني
وأيامنا الجايه بتاعتنا سوا
نتهني بيها وجوانا الغرام والهوي
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق