ياما قلت لك ....
الشاعر/ عامر عبده عامر مصر
ياما قلت لك ما تقولش اللي بينا لحد
اهو لاتفه سبب
اتخاصمنا سوا والخلاف اشتد
يلا اشبع بقى
وبعد كده خذ كلامي جد
دور وشوف
مين عمل بيني وبينك سد
ناقصين خصام و نكد
يا ريت العزول يتهد
شايفين الفرح زايد قوي
ولا السعاده ما لها حد
عشان قلوبنا طيبه وصافيه
نقيد حوالين الفرحه شموع
والشموع سهاري
والهم والغم في قلوبنا
وقال عليه بنداري
كان المفروض اقول للجاي والرايح
همي وكل اعذاري
وايه يفيد الكلام
وهو بالحرقه مش حاسس ولا داري
لا يقدر يبعد الحرقه عني ولا يداري
وازاي النار تحرقه
وهي في الاساس ناري
ليست هناك تعليقات:
إرسال تعليق