(أعاتبك علي إيه )
اعاتب علي إيه ولا إيه
علي سهري وطول الليالي
ولا علي انشغالي
حبيبي وبيا مش داري
لا بتسأل ع اللي جرالي
ولا هامك حتي عذابي
وابعتلك مراسيلي
ومعاها مناديلي
غرقانه بالدموع
تشرحلك إيه جرالي
وقلبي م الشوق موجوع
ولا اكتم جوايا اشواقي
وأقول الله يسامحك
بكره تندم علي عمايلك
هو يعني علشان بحبك
تعمل كده فيا
ياحبيبي الشوق حيرني
وبعدك ماغيرني
لا بتبعت تسأل عني
ولا كلمه بتطمني
وعلي بعدك تصبرني
إرحم لفهتي ووجدي
واللي بعانيه لوحدي
من خوفي وانشغالي
والفكر تاعب بالي
طاب قوللي ايه غيرك
البعد اللي محيرك
ولاَّ الشوق مبقاش يألمك
ولا قلبك عاد يسألك
علي حب كان هيسعدك
ياناسي فين وعودك
مش فاكر ليه عهودك
ليه معذبني معاك
وسايب جوايا هواك
يكويني ويلوعني
واعاتبك مابتسمعني
وبقربك مابتوعدني
لا بتسأل ولا بتجاوب
إن كنا لسه حبايب
وفاكرني مش ناسيني
وقُريِّب ناوي تجيني
ولاَّ مش فارقه معاك
اتعذب واستناك
ولا خلاص انساك
وانسي ليالي هواك
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق