قصيده بعنوان/ تراهني
الشاعر/ عامر عبده عامر مصر
تراهني تبعد عني
لو يوم واحد طول النهار
وتيجي على قلبك حبه
وتتحمل الانتظار
ما اظنش تقدر تعيش
وتكسب مني الرهان
حبي معلم في قلبك
وانت مداري الاثار
حتى لو قدرت تبعد
فكرك يعني ده انتصار
لا وحياه اللي بينا
ده هو بعينه الدمار
روح شوف لك لعبه ثانيه
وابعد عن لعب القمار
كلمني يسعد اوقاتك
اخذت ايه من سكاتك
شوف كام دقيقه على البعاد
وكام جرام من الحب فاتك
وشوف بقى ثمن الجرام
لو انت بتفهم في الغرام
ليست هناك تعليقات:
إرسال تعليق