قصيده بعنوان/ عتاب الاحبه
عامر عبده عامر مصر
عتاب الاغراب شكوى ومسبه
وعتاب الاصدقاء شوق ومحبه
لو مش عزيز عليه
ما كان بادر بالعتاب
وتركه للخصام يستوي حبه حبه
اوعى تزعل لو في يوم
جه صديق لك يعاتبك
حتى لو ما كانش الذنب ذنبك
ده دليل على وفاءه ومشتاق لحبك
ونفسه يفضل طول الوقت جنبك
واوعى تكشر في وجهه
لو ثار عليك
اياك بالدليل تواجهه
ضمه في حضنك وقول له
متشكرين لحبك
عرفت مكانتي جوه قلبك
واللي تلاقيه مش معبر
والشيطان ضاحك عليه
و منحاز لرايه ودماغه مكبر
من اي اتجاه تنظر اليه
تلاقي زجاج نظارتك مشبر
اتركه بعيد وسيبه
ولو غاب عنك في يوم
اياك تروح تجيبه
اللي كان في يوم معاندك
بكره يجي لحد عندك
طالما مبسوط بالبعاد
سيبه يعيش مع الزمن
وبكره يدفع الثمن
ليست هناك تعليقات:
إرسال تعليق