مش عارف أضحك ولا أبكي
ولا أمشي فـ طريق في آخره نُور
الدنيا واخداني فـ سكوتي
ولا قلبي عارف يِحكي ويدور
ناس بتضحك والهمّ ماليها
وناس بتعيط بس بتدارِي
واللي في قلبه وجع.. يخبيه
يضحك يقولك: “كله ماشي يا جاري”
الضحكة بقت تمثيلية
والدمعة بقت عادة فـ العين
واللي بيحلم بالغناوي
بيصحى يلاقي الحلم حزين
أنا مش عايز أوجّع حد
ولا عايز أبيع أمل الناس
بس لما أبص فـ وشّ المراية
بشوف تعب عمره ما اتقاس
والليل طويل والهمّ ساكن
والصبح دايمًا متأجّل
وبين سطر وسطر فـ الحكاية
فيه قلب موجوع متحمّل
يا رب سلّم قلوبنا دايم
وخلّي فـ وشّنا ابتسامة
يمكن يوم تضحك قلوبنا
وتروح عنّا الغمّامة 
كلمات الشاعر: أشرف سعيد
كلمات الشاعر: أشرف سعيد 
ليست هناك تعليقات:
إرسال تعليق