قولت اغور
أنا خارج من البلد حافي
وحاطط عالقفا لحافى
……………
بَرمت همومى
فى هدومى
وقلت اغور
…………
مدام القرب لوعنى
ما بين خدنى ورجعنى
وورانى الظلام فى النور
……………
وانسى الحب وأحبابى
ولا فيش حد يدرابى
واسيب دارى ودوارى
واهج واغور
……………
اخاف البعد يجرحنى
وأنا لوحدى
لا ناس ولا دور
…………..
وأقول يمكن بعيد عنهم
الاقى في الخرابه قصور
وانسى القرب وهمومه
واهرب م اللى بيلومو
وانسى اللوم
……………
وارقى نفسى واتبخر
بأحلى بخور
واعد السكه بالخطوه
واعدى بحور
………….
وأبص لدنيتى تنور
وأشوف النور
وانسى الهم وهمومه
واقوله يغور
مرسى الذكى. مصر
ليست هناك تعليقات:
إرسال تعليق