ما تخبّيش مشاعرك..
الحياة أقصر بكتير من إننا نستنى اللحظة المناسبة عشان نقول اللي جوانا.
قول للي بتحبه إنك بتحبه، من غير ما تستنى مناسبة ولا ضمان.
وقول للي اتعلمت منه إنك مدين له بلحظة وعي غيّرت فيك حاجة.
احكي لأهلك إنك بتحبهم رغم التعب،
ولأصحابك إن وجودهم سند من غير ما يطلبوا.
قول للجميل إن جماله مريح،
وللجدع إن جدعنته نعمة،
وللموهوب إن نوره باين حتى لو هو مش شايفه.
قول للمكسور إنه أقوى من وجعه،
وللمهمَّش إن قيمته مش ناقصة.. بس لسه مستنية اللي يشوفها.
قول كأن النهارده آخر فرصة ليك تعبر.
ما تخافش من نظرة، ولا من حكم، ولا من كلام الناس.
الصدق في المشاعر عمره ما بيقلل من صاحبه،
هو اللي بيخلي الروح ترتاح والقلوب تفتكر.
في الآخر..
احنا عايشين لبعض، وببعض.
وكل كلمة حلوة بنقولها، بتفضل عايشة بعدنا
وكلنا محتاجين نسمع كلام حلو 
ليست هناك تعليقات:
إرسال تعليق