=====—ولما يسالنى الشجر
#####################################
وح يجى يوم الشجر يسألنى
عن ضل كان يوم هنا واقف
بيستنظر ومتعطر
وانا ونبض قلبى بنتحضر
للحظة لقا
ونظرة بتمطر
وح تعرفى معنى الحزن ازاى يتشطر
وتجمعى شنطة الاشواق
على كام شال من الهموم اكتر
وح يجى يوم تبص للاحفاد
وتحلم يبقوا صغار اكتر
وارجع معاهم اجرى واتمخطر
وح تعرفى ان الحياة
لما تشوف الحب تنمر
والبيوت مش الجدران وشىء يتأمر
البيوت نجرى فى وسع الدنيا
كأن العمر متخدر
وتقلبى كل الصور فى الالبومات
وتنكرى كل الوشوش
وشىء فى النفس مات
مش هى دى الملامح
دا شىء فى القلب جارح
شعرك كان سلاسل دهب
والشيب سحب
لما شاف الحب هرب
وح يجى يوم الشجر يسألنى
عن اللى غاب عن العين
بس فى القلب متجدر
=======================محمدعبدالمقصودداود
ليست هناك تعليقات:
إرسال تعليق