لا عذر للنسيان (785)
.................
ليل الغريب خواف
دمعه مداريه يتشاف
يا قلبي يا موجوع
عمرك ما دوقت إنصاف
طيبتك تماللي معاك
والدنيا ليه معانداك
تهرب لفين من الناس
مش كله حلو تدوق
ولا كله مر فى كأس
أيه آخره المسافات
والبعد عمره ما فات
حالف تسد الدين
وبكاك وجف يا عين
قطر البعاد سلامات
وعزيز لا شوفته ومات
شقيان وكله هموم
راضي بنصيب محتوم
غربه آخرها دموع
ياما قلب بات محروم
تايه لا عارف فين
يأخد عزاء المرحوم
آخره شقاه لسنين
رجليه ماهيش شايلاه
حاسدينه ما أنت معاك
ياما فيه قلوب شياطين
ومش كل وش ملاك
راجع بشوق وحنين
والدنيا مش سعياك
وولاده بكوا العين
ولا حضنه سد الدين
طردوه بكوم أزمات
ياما في الجراب أسحار
والحاوي مش ندمان
أيه جبر كسر قلوب غير
تقوى والإحسان
لا إفتكروا بعده سنين
حرموه المكان وزمان
من القهر مات مغلوب وفى قبره ثوب إنسان
كما ذاق مرار تذوقوه
ولا عذر للنسيان
بقلم .. صبري رسلان
ليست هناك تعليقات:
إرسال تعليق