من قلبي ,,,,
مش عارف اوصفك بأيه
يا ملكة جمال عيني
وعيني شافت ياما كتير
لكن سمارك ملا عيني
عايشة وساكنة جوايا
ونايمة ليلتي في جفوني
يا ناس قتيل الغرام
بالله عليكم سيبوني
عاشق غرامها وعيونها
سواد الليل وسحروني
عاشق. لضمة احضانها
وف احضانها خلوني
مشتاق لنظرة عين
اصل عيونها و حشوني
وياما عيون كتير
حاولت بس يشغلوني
مفيش غير عيونك
ياسمرة اللي ملكوني
يا مالكة كل اللي جوايا
وساكنة القلب وعيوني
يا سعدي وعمري وهنايا
يا ضحكي وحزني وجنوني
حبيبتي يا اجمل ما في الكون
يا اجمل من رأت عيني
ولو جابولي بنات الكون
لقلبي وعيني ما يرضوني
يا ماليه عليا كل الكون
يا ساكنة وريدي وشرياني
بحبك حب كله جنون
يا عايشة بس علشاني
بقلم
احمد. محمود
من ديوان سكة العاشقين
ليست هناك تعليقات:
إرسال تعليق