قصيدة كلام علي الذكري
وكل ما أقول أنا استنيت
ومن بعده أنا أستكفيت
بتيجي ألف أها واه
تقولي،قد أي حبيت
تقولي قد أي حنيت
تقولي،قد أي كان نفسي أبني معاها أجمل بيت
علاقة ماكانش فيها رجوع
نهينا كلام فراق ودموع
وأخرتها يا قلبي معاك بتنبش ليه في ماضي ممنوع
كلامنا عليه ما ينفعش يكون مسموع
وحب كبير بقي أصله ضمير مرفوع
بتدهن ليه في باب والخشب مخلوع
بتحسب ليه وهو رقم مالوش مجموع
وبتعافر خلاص علي اي،منا اتهزيت
منا اتهديت كتير اديتله بس،لاقيت
كتير منه وكتير عديت
ومن درسه أنا اتعلمت وأتربيت
كفاية عذاب
معاه القلب حب وداب
وأكتشف أن كله سراب
وبعد ما كان فيه بينا عتاب
صبحِنا وكأن القلوب عن بعضها أغراب
ندم وحنين
متبادل ما بين أتنين
ده كان فيه عشرة بينا سنين
وأنا وهو،أكيد عارفين
قلوبنا يوميها نسيتنا في غمضة عين
ليست هناك تعليقات:
إرسال تعليق