كومبارس ....
كلمات الشاعر / عيد الحضري
كومبارس
عارف مكاني ومطرحي
ولا عمري مرة إشتكيت
ولا بخاف ولا بستحي
ولا جيت في مرة
يوم بكيت
فنان عبيط
عايز يعيش
يحلم بصورة علي الآفيش
لا حلمت إني أكون بطل
ولا ينضرب بيا المثل
أنسان بسيط
فنان عبيط
يادوب ظهورو في مشهدين
مشهد يموت
والتاني لما الشمس غابت
والبطل شال التابوت
كان دوري كومبارس البطل
كومبارس ملتزم السكوت
ورضيت أكون
في دور أعيش
ودور أموت
كومبارس
ليست هناك تعليقات:
إرسال تعليق