بعد فوات الاوان
من الندم والحرمان
بنصرخ ونقول.... إنتى فين ياصحة
إنتى فين ياصحة سبتينى ورحتى فين
غلبت انادى عليكى بشوق وحنان
كنت بسهر معاكى صباحى
وأشد كمان نفسين
وأصحاب السوء معايا عشرة وعشرين
سهر صباحى وعربدة
ومش عارفين الدنيا دى إيه
لو حد كلمنى ونصحنى
أقوله إنتا من كوكب تانى ولا إيه
مفيش أحسن من ليالى الفرفشة
تعالى وخدلك نفسين هتنسى همومك
وهتبقا طاير مش عارف على فين
هتعيش فى الحزن ليه
وهتفكر فى بكرة ليه
الفلوس موجودة والصحة موجودة
هنشيل هما الدنيا ليه
إنتى فين ياصحة سبتينى ورحتى فين
غلبت انادى عليكى مش سمعانى ليه
الله يرحمك يابا قلتلى كلمتين
لو كنت سمعتهم منك
مكنشى فيه حزن وأنين
قلتلى يابنى بلاش الصاحب السوء
دا فين هيوديك....ربنا يهديك لسكتك
ويبارك ياحبيبي فيك
خت كلامك يابا من غير إهتمام
وفضلت أضحك على كلامك فى الحمام
غرانى الدنيا يابا وكانت الصحة تمام
دلوقتى بتحايل عليها تجينى
علشان أخش الحمام
فينك ياصحة سبتينى ورحتى فين
غلبت انادى عليكى بشوق وحنان
نفسي اتاسف ليكى على أيام زمان
بس الاسف عمره ماهيرجع اللى كان
أنا آسف ياصحة ليكى ليل نهار
بس ارجعيلى تانى ادخل بيكى الحمام
بقلمى الصياد محمد
من واقع الحياه
ليست هناك تعليقات:
إرسال تعليق