كارت دعوة
وتيجي الكاميرا تتداري
تخاف لا دموعها تفضحها
بتصرخ بس جواها
وخايفة لا حد يسمعها
تبص ف لحظة ع الكوشة
وتسرح ف اللي قالوا زمان
وعود كات بيها مهوسة
وهو ف الوعود فنان
بني لها قصور ف احلامها
وعشمها تكون فيها
فيسرق احلي ايامها
وتلقاه جاي يبكيها
وسابها تعيش بتتالم
مع العمر اللي صار ذكري
وترفض حتي تتكلم
مجرد رفض للفكرة
وتقبل تبقي مقهورة
مجرد نظرة للصورة
وغيرها يلبس الفستان
وهي بروحها مكسورة
بقلم
خالدالكردي
ليست هناك تعليقات:
إرسال تعليق