وحشتينى
وبُعدي عن عنيكى السود
على عيني
وحشتينى
وشوقي كل يوم بيزيدْ
لأحلى خدود
تزينها نجومْ وورود
وصوتكْ لو يصحينى
وحشتينى
وحشني الهمس في همسكْ
ونبض الحب في حِسك
وغيرتي لو نسيم الصبح
يا عمرى
في يوم مسك
أنا بكره اللي جاي ليكِى
أنا يومكْ
أنا أَمسكْ
وبعدى عن دفا قلبك بيكوينى
وحشتيني
بجد بقول وحشتينى
وإيه يرضيكى يرضينى
وتفديكِى عيون القلب
تفديكِى شرايينى
وعين ما شافتشْ غير حسنك
بتشهد لك
وكل الكون بيشهد لكْ
بإنك شمس في جبينى
وحشتيني
ولما في يوم أعود ليكى
وأحط اديا في إديكى
وابدأ خطوتي بيكى
وأضمك ضمة المشتاق
تضمينى
وتروينى
ومين غيرك هيروينى
ومين غيرك هيسقينى
وأنا العطشان و طال بعدى
و قلبك أغلى شيء عندى
وحشتينى
ليست هناك تعليقات:
إرسال تعليق