كلمة الحب الكبيره
بلاش اقولهالك كتير
خليها جوانا اسيره
فوق لسانا راح تطير
من عنيكى اقدر اقولك
اد ايه حبك كبير
وف سكوتك احس انك
بحر وبيهدر هدير
..........
مش بالكلام الحب يكبر
الحقيقه ف قلبنا
لو نمنا اشواقنا هتسهر
لوبعدنا ميت سنه
احساسنا كان لما افترقنا
نار بتحرق قلبنا
وماطفهاش غير نظره بيها
رجعنا تانى لبعضنا
........
فامتساليش ع البعد حبك
لسه عايش والا مات
وماتطلبيش كلمه فى قربك
قلتهالك بالساعات
وان كان على حبك وحبى
مش هجيب سيرة اللى فات
اسالى قلبك وقلبى
بلاش تكون ليكى حالات
.........
سمير الدسوقى
ليست هناك تعليقات:
إرسال تعليق