كتاب حياتي
قصة حياتي كلها
حبة سطور في صفحتين
الحلو كام سطر كدا
والباقي حبة مرار معجونين
اول حياتي شهريار
وشهرذاد كانوا كتير متكحلين
الأمر أمري والشوري شورتي
والكل راضي ومبسوطين
غرور واخدني والدنيا بامبي
ياخوفي من غدر السنين
انا و حبيبتي
الدنيا غدرت وفرقتنا
وشالت فينا وغربتنا
وهوا دا سبب الأنين
في ظروف ثانية لقيت نفسي
في حتة تانية في دنيا تانية
في حضن دافي مر وحنين
ايام تشيلني سنين تعدي
تجري تهدي ضحك وانين
والكل شايف وعليا خايف
وانا ونفسي اللي مش شايفين
والشعر من بعد السواد
ويا الحواجب بالأبيض متلونين
اتغير ملامحي اتغير شكلي
وتاهت مني دنيا العاشقين
الحزن لازمني قوي وصاحبني
وحزينة يا سكة وجع
حزينة يا رحلة انين
خطفها الموت بعد حكاية
تنفع قصة ورواية للمغرمين
ورجعت تاني وحداني
أعيد القصة الأقيها مر وانين
والدنيا تشيلني وتهبدني
بتقسي عليه وتتعبني
كفاية ياعذاب السنين
مرار الدنيا انا دقتة
وعذاب الدنيا ويا الأنين
عشمان في لحظة. تصالحيني
وتنسيني مر السنين
واديني مستني وبتمني
لحظة سعادة لحظة حنين
بقلم
احمد محمود
من ديوان حبة رتوش
ليست هناك تعليقات:
إرسال تعليق