سُلفة منكآه يا دنيا قاسية ليه
فيكِ دوقنا كتير هوان
نفسي بس ف سُلفة منك
بس تبقى ف الأوان
سلفيني حضن ابويا
نفسي احس بالأمان
والا لحظة حلوة تانية
ويا أمي والحنان
سلفيني لعب أخويا
ويا اختي بتوع زمان
صحبة حلوة بدون خيانة
ويا أحبابنا الجيران
رجعينا نحب تاني
كل ركنة فى المكان
شيلي همي وهم صاحبي
من صدورنا ولو ثوان
امسحي حزن ف قلوبنا
وابعدي عنا الجبان
اللي ياما يأذي فينا
فعل كان أو قُول لسان
سمعينا الحق فيكِ
صوته يبقى صوت آدان
خلي كل الناس تحبك
خلصينا م. اللي خان
واللي سوسه نخره دايم
جوه روحنا والكيان
خلي بكره طبيب مداوي
صبحه فوق الدنيا زان
****
بقلمي/ صفاء الخواجة ُرداً على رائعة الاستاذ المصرى
(سلفيني) واليكم لينك النص
ليست هناك تعليقات:
إرسال تعليق