مفسدينقلمي مكسور م الأنين
من رحيل الطيبين
اللي كانت... طلة منهم
تمسح الأحزان سنين
طبطبة عينهم .. تواسي
أي جرح ودمع عين
تملا دنيتنا .. بسماحة
وبامان مليان حنين
***
راحوا فين ونروح لمين
لما يقسوا المجرمين
وبجروحنا يشدوا حيلهم
يبقوا بينا ..مغرورين
الفلوس مش كل حاجة
افهموا يا المغرمين
التفاهة والنطاعة بدلت
شكل العرين
***
وابتدينا نروح لسكة
اللي فيها مفرهدين
محتاجين مرشد يرجع
اللي تاهوا وشالوا طين
محتاجين طبيب يداوي
اللي صبحوا موجوعين
يا هلترى ح نشوف صلاحها
دنيا سادها المفسدين؟؟
***
بقلمي/ صفاء الخواجة 
ليست هناك تعليقات:
إرسال تعليق