"قاسيت مِنِّك"
------------------
مش انتي اللي ابتديتي الهجر؟
وقلبي .. ياما شاف منك
وداق المر ؟ ..
وكان دايما بيغفر لك
وبيسامحك ..
وكان دايما بيفرد لك
حبال الصبر ..
فرشت الأرض قدامك
بورد وفل
وجوه القلب سكنتك
وفضلتك كمان ع الكل
لقيتك برضه بعتيني
وبتقولي ان انا بعتك
وإني لعبت بمشاعرك
وخنت العهد وخدعتك
نسيتي هوانا وغرامنا
نسيتي كل ماجرالنا
نسيتي العهد والكلمة
ودخل الشك لحياتنا
قاسيت منك ومن طبعك
وجَرَّحتيني بعمايلك
عملت كتير عشان خاطرك
ومش فارق .. ولاهمك
خلاص قررت اشوف حالي
وأهرب من مرار حبك
وهامنع قلبي يشتاقلك
وعمري ف يوم مهرجعلِك
عشان انتي ابتديتي الغدر
وقلبي ياما شاف منك
وداق المر ..
وكان دايما بيغفر لك
وبيسامحك ..
وكان دايما بيفرد لك
حبال الصبر ..
----------------------------
بقلمي ؛
م. محمود الحريري
ليست هناك تعليقات:
إرسال تعليق