==================—عمدان النور
##############################
عمدان النور مش بتنام
بترسم مع قمرة ليلى احلام
وبتستنى رجوع العشاق
من صهد الأسفلت
وقهر الأيام
وتخبى النور فى جيوبها
وتدخل ع الناس فى قلوبها
ترطب عطش الحرمان
وترد الروح لبقايا الانسان
عمدان النور
ساعات تستنى عصافير تاهت عن اعشاشها
تدخل غرفة انعاشها
مع حضن النور
تبات احلامها
وساعات البحر يفضفض بالنسمة
اسأله كله ليه
والا فيه حبة للحبيب
خدوا حبيبى منى وسموها نصيب
خانوا نصيبى لما بعدونى عن احلى حبيب
لما قالوا الشرع حرم اكون قريب
هوده اسمه النصيب
واكون انا خارج حدود الدنيا
مش غريب
وخارج عن جنة الحباة
عمدان النور مش بتنام
بتستنى حبيبى ينام
وتستنانى تسرق منى الاحلام
---------------------====محمدعبدالمقصودداود
ليست هناك تعليقات:
إرسال تعليق