* قصيدتي ( مصر داعيه للسلام )
مصر داعيه للسلام
حدودنا لينا مش كلام
تاريخ مسطر في الزمان
أحمس ومينا نقول كمان
تحتمس وأكد قال تمام
وتعالو ندور في اللي فات
تاريخنا كله انجازات
ومعارك دايره تقول حاجات
أولها حاسب إنت مين
وإن كنت ضيف غالي وأمين
سلم وخطي باليمين
وإن كنت ناوي على الحكاوي
حاذر وذاكر مش ناقصه هاوي
ولو إنت ناوي على الحروب
والله قيمتك معانا طوب
يالا يا اهبل شوف تاريخك
واقراه كويس تسمع صريخك
جايب فتوه تتحامي فيه
يقول قطاعنا وانت تلاغيه
ويقول نعدي من غير رسوم
سفن تراقب وطيران يحوم
طيب خدها كلمه وافهم كويس
ماهي أصله رسمه ورسمها ريس
حدودنا شرق غرب شمال يمين
حارسها رب إسمه المعين
جنودنا وحوش ماغولين
عند الجد تعرف إحنا مين
تانيه حاجه في الكلام
الحق أصله في العلام
ثوابت وراسخه من زمان
وانتم من دون الشعوب
اقزام تخافو من الحروب
من غير فتوه تروحو فين
جرذان بتجري شمال يمين
فاهمين غلط واللي انتو فيه
قرآنا شارحه وحالكو فيه
فاسدين وعاليين في التطاول
خلاص قربتو على النهايه
نهايتكم جايبه من البدايه
حساب قديم من الجحود
لرب واهب خلق الوجود
فضله عليكم فات الحدود
ولا شكرتم ولا صبرتم
ولا يوم حتى صنتم العهود
والتالته تابته في الكلام
مصر داعيه للسلام
من يومنا أسياد الزمام
حدودنا عقيده والتزام
شوفو حالكم وقرو بيه
كمان قراركم مصيركو فيه
ولو لمره عيشو مره بالسلام
أصله اللي جاي دا مش كلام
خدو بالكم دا نزغه من شيطان
والشيطان دا أصله من الجحيم
وجحيمه أصلا من نيران
ينجينا ربنا من نيراكم
وإن كنتم ليها يدوم عذابكم
* انتهت من فضل الله تعالى قصيدتي ( مصر داعيه للسلام ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق