==========- البحر واحواله
#############################
البحر لو تسمعه
تسمع صراخ وعويل
يشكى اللى فارق حبه
واللى صباحه ليل
البحر دا حكاية يحكيها قريب وبعيد
افتح كتابك وسطر المواويل
صديق مع اللى حب
وصديق فى وقت الويل
نشكى ويشكى نحكى ويحكى
نفس النغم تحسه فى التراتيل
اوقات نخاف صوته
ونِحِن لو خايفين
نغنى لحنه وسكوته
ونسمع صدى الغايبين
وانا والترام واقفين
هناك مستنظرين
حتى الشجر مع ظله بيستنظر
وعيون عشاق كتار بتتحير
هو الانتظار صار لنا موقف
بيقتل عمرنا ويخدر
ويغير فى حلمنا اكتر
ويسمح للرصيف ينزف
بصوت هادى
ع العشاق اللى غابوا
عن الاحباب اللى باعوا
عن البنت اللى فكت ضفايرها
ولسه خدودها بتزرع جناين ورد
عن الواد اللى تاهت خطاويه
فى ساعة ود
بسأل عن شروق روحه ليه مطلعشى
او عن حلمه ليه مكملشى
وايه الحكمة والمقصود
انى لسه ع اببحر واقف وباستنظر
على محطة بتعزف الاحزان بكام منظر
=================محمدعبدالمقصودداود
ليست هناك تعليقات:
إرسال تعليق