حب على ورق....
ياعم حب وقول كلام
وعيش نفسك في الأوهام
الكلام ماعالهوش جمرك
ولا ضريبة ولا ميزان
حب زي ماانت عايز
ماهو أصله حب على الورق
حب مافيهوش قلق
كل مايجيلك دور زهق
عيش نفسك في روقان.
ياابن الناس كفاية كدب
بتغش الناس باسم الحب
الحب لو خارج م القلب
كله في الآخر حايبان...
بلاش توهم معاك الناس
وتكون انت وسواس خناس
اللي بتدحك بيه ع الناس
بكره في بيتك راح تلاقيه
وتعيش مره وتجنيه
اصمت احسن ياخيبان
قانون الحياة ((داين تدان))
فوزي_سليم. مصر
ليست هناك تعليقات:
إرسال تعليق